Wieker Paraad

’s Middags is ’t um 14.11 oor tied veur ’t jaorleks Hermeniekestreffe de “Wieker Paraad”. ‘T wieker volk kint ziech weer ins good ammezere mèt en werme aon de boonte störm vaan zaate Hermeniekes in Keemelstad. De zaate Hermeniekes trèkke in Wiek vaan kaffee tot kaffee um zoe hun muzikaole kunste te toene. Op de Percee, ’t pleinsje veur de Poshoorn, make de zaate Hermeniekes hun opwachting veur de Vors vaan de Keemeleers. ‘T zaate Hermenieke mèt de mieste punte maag ’n vaat beer mèt nao hoes numme. Traditioneel weurt aoch op dee middag de Wortelevlaoi aongesnooje.